ПДН ООБ ОП г.Риддер УИП аға инспекторы, полиция майоры Қабаев Әділ Қайратұлы оқушылармен бірге көшеге шығып, жаяу жүргіншілер өткелінде тәжірибелік сабақ өткізді. Сабақ барысында оқушыларға жолды дұрыс кесіп өту, бағдаршамды пайдалану, сондай-ақ велосипедпен жолдан өту ережелері түсіндірілді.
Сонымен қатар, жол белгілерінің мағынасы көрсетіліп, олардың маңыздылығы түсіндірілді.
Аталған іс-шара 2026 жылға арналған «Заң және тәртіп» идеологиясын ілгерілету жоспары аясында, сондай-ақ Шығыс Қазақстан облысы прокуратурасының 2026 жылғы 20 наурыздағы №2-15070-26-02418 хатына сәйкес ұйымдастырылды.
Іс-шара аясында «Қауіпсіз жол балалар үшін» (SafeRoad Kids) жобасы жүзеге асырылуда.
Жобаның мақсаты – балалардың жолдағы қауіпсіз мінез-құлық дағдыларын қалыптастыру, құқықтық сауаттылығын арттыру және жауапкершілігін дамыту.
Кездесу барысында оқушыларға жол қозғалысы ережелері, қауіпсіздік шараларын сақтау және көшеде мұқият болу қажеттігі еске салынды.
Балалардың қауіпсіздігі – баршамыздың ортақ міндетіміз!