«№10 орта мектебі» КММ-нің 10-сынып оқушылары үшін қаламыздың өрт сөндіру бөліміне танымдық экскурсия ұйымдастырылды.
Оқушылар қызметтің ерекшеліктерімен танысып, ШҚО ТЖД қызметкерлеріне берілетін жеңілдіктер туралы және ҚР ІІМ мен ТЖМ жүйесінің бейінді жоғары оқу орындарына түсу тәртібі жайлы мәлімет алды.
Кездесу барысында оқушылар бөлім қызметкерлерімен сұхбат жүргізіп, өздерін қызықтырған маңызды:
Таулы өңірдегі өрт сөндірушілер жұмысының ерекшелігі қандай?
Қызметкерлер қандай жеңілдіктерге ие?
Бөлімде қандай заманауи құрал-жабдықтар қолданылады?
Мамандықтағы ең қиын тұстар қандай? сұрақтарға жауап алды
Оқушыларға өрт сөндіру автокөліктері (АС), өрт-техникалық құрал-жабдықтар және «101» диспетчерлік қызметінің жұмысы туралы толық ақпарат берілді.
Экскурсия үлкен қызығушылық тудырды — көптеген оқушылар болашақта ТЖМ және ІІМ жүйесінің жоғары оқу орындарына түсу туралы ойлана бастады.
Болашақ мамандығын таңдауға қадам жасап жүрген оқушыларымызды мақтан тұтамыз!